Lumedoloop é un trío de hip hop nacido en Compostela, formado por Jamas, Møu e DJ Mil — tres figuras fundamentais da cultura hip hop en Galicia cunha traxectoria de máis de dúas décadas.
En 2026 publican o seu primeiro LP, «(Re)existencia»: un traballo conceptual que explora identidade, resistencia e transformación.
O propio nome funciona como manifesto: Lume é a faísca creativa e a chama que impulsa a loita; Loop é o ciclo que permite aprender, caer, erguerse e transformarse.
Sobre o escenario, o flow magnético e a poética afiada de Jamas, a narrativa sonora de Møu e a técnica milimétrica de DJ Mil constrúen un concerto intenso, dinámico e sen concesións.
Unha viaxe que atravesa a poesía máis esixente, a denuncia social sen edulcorantes, a retranca como arma e a introspección máis fonda, mantendo viva a esencia do hip hop: palabra, ritmo e actitude.
«(Re)existencia» xa en vinilo (14 temas). Lévao só ou no pack con camiseta.